Camisetas que súan esperanza
Unha ONG leva a equipación dun equipo de Malpica a unha aldea de Guinea Bissau
Dembanje, unha pequena aldea de 500 habitantes dividida en dúas
tribos, unha musulmana e outra cristiá, está de noraboa. Alí, na esquecida
Guinea Bissau, onde a fame negra é sesolimpre unha ameaza, un grupo de mozos de
entre 18 e 20 anos ten un motivo para sorrir. E é que o equipo de rapaces que
xoga unha liguiña contra outras aldeas veciñas xa ten equipación.
Este soño ten o xerme en Galicia. A idea foi de Carlos Couto,
propietario da empresa Aluminios Alucarco, que patrocinaba os xuvenís do Malpica. “As camisetas estaban en
perfecto estado, pero deixaron de usarse. Comprei os pantalóns que faltaban e
decidín doalas. Nós temos todo e eles
non teñen nada”, explica. A ONG coruñesa Miradas al Mundo acendeu a maquinaria.
A súa responsable, María Martínez, viaxou a Guinea Bissau en abril cargada de camisetas, un balón, un chifre e proteccións para
cóbados e xeonllos. Foi unha viaxe omplicada, a través de Senegal e cunha equipaxe máis avultada do habitual
–María adoita ir só cunha mochila–, pero mereceu a pena.
“Cando me viron chegar foi unha festa; imaxínate, eles non usan
botas, senón fanequeiras, e cando facían substitucións tiñan que cambialas”,
relata a responsable da ONG, que leva 8 anos traballando na aldea, onde xa
fixeron, por exemplo, un xardín de infancia para que as rapazas poidan ir á escola.
Entre as dádivas, o balón foi recibido con euforia; normalmente xogan con pelotas de publicidade.
En contraprestación, Miradas al Mundo só lles pediu unha cousa, que
constituísen unha asociación de mozos para colaborar coas actividades que
realizan alí. En Dembanje, Galicia significa esperanza.
No hay comentarios:
Publicar un comentario